وبعدين...

وبعدين.....

ولاقادرة اتكلم بس قادرة ابكى

محتاجاه بس رفضاه

جوايا حزن بس قادرة اسكت

شايفاه بيضيع ومش بايدى حاجه

عملت كل شيء بس هو مصمم يضيع

كانت طفله برئيه بس الزمن غدار

كانت ليها ضحكة وبقي ليها دمعه

بحبها بس ضاعتمنى

صعبان عليا جرحه وفراقه

بس ده كان اختياره

عمرها بيجرى وهى زى ماهى

بعدت عنى زى غيرها

فرحانه حزينة مش هايرجع حاجه

كل يوم احساسي يزيد لنفس الحاجه

مكسوفه وحاسه بزعله منى

بس انت وحدك قادرتساعدنى

ياترى هى غلط ولا لسه في خير جواها

ليه نفس النظرة من كل الناس

بس الندم تاعبها ماهو الحياه صعبه

مافيش حد وكله بيجرح وكله بيبعد

محدش حاسس باى حاجه

بحبهم بس خايفه عليهم

راسمين الضحكه والفرحه

بس العيون ماليانه حزن وزعل

قلب مكسور - الفرح مسروق - الحب ممنوع

قادر تحس بيا ..طيب اخترت البعد ليه

بفرح لفرحهم بس ببكى ع حالي

بحمد ربنا بس الانسان مننا ع طول محتار بيفكر

واما يوصل او مايوصلش

الصمت افضل حل لان محدش فاضي لحد..

ايام زمان مش هترجع وبقت جزء من الاحزان والذكريات

خايفه من بكره بس مش عاوزة افكر فيه

وكله هيروح وهانسيب الدنيا والناس

ومش هايتبقي اى حاجه

بس هافضل أقول " يــــــــــارب"0

عادى

مبقاش في كلام

مبقاش في حزن ولا فرح

ولا بقي في دموع

والكلمه المعتادة

عادى ..عادى ...عادى

عيد أضحى مبارك عليكم

كل سنة والأمة الاسلاميه بخير

كل سنة وكل أهلنا وأصحابنا بخير

يارب يكون عيد سعيد علينا

ويارب نقضي وقت جمييييل

واللي مزعل حد من أهله أو أصحابه أو أحبابه

يقوم ويصالحهم ولو بكلمه حتى

أجازة سعيده عليكم

مبرررررروك يا روما يا حبيبتى

ريهاااااااااااااااااام

مبروك مبرووك مليون مبرووووك يا حبي

فرحانه فرحانه كتييييييير عشانك

يا أجمل عروسه

حبيبتى....خلاص هتودعى حياتك اللي فاتت

وهتبدئي بإذن الرحمن حياه جديده

مع انسان بيحبك وبيحترمك

مع شريك جديد لحياة جميله

بإذن الله

حبيبيتى.......كان نفسي اكون معاكى

في كل لحظة من اللحظات دى ماقبل الفرح

بس انا عارفه اللي انتى فيه

بس كان نفسي انزل اشترى معاكى الفستان

وافرش معاكى شقتك

وننزل نشترى كل اللي ناقصك

زى ما كنا بنحلم انا وانتى

وكان نفسي اكون معاكى ع الخط أول بأول

بس انا عارفه الوقت دلوقتى بيكون ضيق وبيمر بسرعه

ربنا يعينك يا جميل

روما حبيبة قلبي

انتى عارفه انتى بالنسبالي ايه

عارفه ان احنا الاتنين ملناش غير بعض

كل حاجه في حياه اى حد فينا التانى عارفها

كل اوقاتنا كانت مع بعض

فاكره لما كنا بنضحك ونخرج وننبسط

كنا مع بعض

فاكره لما كانت تمر علينا اوقات صعبه وحزن

كنا مع بعض

فاكره وقت المطر والدعوات

كنا مع بعض

فاكره وقت الامتحانات والمذاكره

كنا مع بعض

كل لحظه مرت كنا بنشارك بعض فيها

حبيبتى.....متزعليش منى

وسامحينى ع اى حاجه حصلت وزعلتك منى

انا هافضل فاكره كل ذكريتنا وكل لحظة عيشنها

ف السنين اللي فاتت

*******

ريري حبيبتى...منكرش انى زعلانه عشان هتسافري

يمكن يكون سفر مؤقت

بس فالاخراسمه سفر وبعد

انتى عارفه ان ده صعب جدا جدا عليا

بس بقولك اهو قدام البشر كلهم

اوعى تنسينىىىىىىىىىى

اوعى تنسينىىىىىىىىىىى

أحسن انتى حر ه بقي

واستحملي اللي هيجرالك

بصي من الاخر مش عاوزة احس انك ف بلد تانيه

هههههههههههههههههه

ازاى معرفش بس اتصرفي وخلاص :p

انا اتكلمت كتير وخرجت شويه من اللي جوايا

واللي مش هاعرف اقوله ليكى وجها لوجه

وانتى اكيد عارفه ان لسه جوايا كتير

وكل يوم بيعدى وبيقرب من يوم فرحك

بيمرعليا ازاى بيمر بفرحه وبيمر بحزن

وكل ده عشان بحبك وعشان انتى الصديقه الوحيده اللي ليا

وماليش غيرك بجد

وان شاء الله زى مااحنا متفقين

هنفضل ع اتصالات والعلاقه بينا تفضل مستمره

ومنبقاش زى اى حد من باقي صوحبنا اللي اتجوزا ونسيونا

مليون مبرررررررررروك ليكى ياقمر

ومبروووووووووك لأحمد

ويارب يتممها بخير يا جميل

لا اله الا الله

ولسه الدنيا بتعلم

ولسه الدنيا بتعلم

ولسه بنقابل ناس مافيش في قلوبها رحمه

ولسه بنقابل ناس بتغدر وتخون

ولسه الامور مش في صالحنا

------

الناس اللي كنت بتحترمهم طلعوا ميستحقوش

والناس اللي كنت بتقدرهم وتثق فيهم طلعوا ميستحقوش

واصعب شيء ان الضربه تجيلك منهم

----------

وانا لوحدى والكل قدامك بيقول يلا مصلحتى

حتى ولوكان زميل او صديق

الكل بيلعب عليك وبيخونك

وانت مش عارف تصدق مين وتعمل ايه

---------

مش عارفه افكر...انا قد المسئوليه دى؟

هاقدر اثبت لهم ان كل خططكم مش هتفرق وانى هاستحمل واكمل

ولا مش هاقدر وهانسحب واكتفي بصمتى

ولا هاقدر أواجههم واقول اللي جوايا قبل ماامشي واسيبهم

--------

مافيش اللي يقولى نصيحه ومافيش اللي يقوى عزمتى

وان اتايهه ومش عارفه اقرر او أحدد مصيري فالطريق ده

-------

يــــــــــــــــارب ساعدنى واكرمنى

ماليش غيــــــــرك يـــــــــارب

اللهم اكفنى شرهم

اللهم اكفنى شرهم

اللهم اكفنى شرهم

افرح ياقلبي

دارى دمعتك وافرح ياقلبي

ارسم الضحكه وانسي جرحك

ده يوم فرح الأحبه يوم ميتنسيش

كفايه ذكريات وكفايه هموم

وافرح ياقلبي زى ما الكل فرحان

واتمناله الخير والسعاده

مهما كان ده كان ف يوم من الأحبه

كل سنة وانتم طيبين

عيــــد سعيـــــــد

عيد سعيد عليكم يارب وعلي الامة الاسلاميه كلها

ويعوده الله علينا باليمن والبركات والخير

رمضان خلاص خلص للاسف

مع اننا نتمنى ان السنه كلها تبقي رمضان

يارب تقبل منا اعمالنا

ويارب نكون كلنا خرجنا من رمضان ونفوسنا وقلوبنا نقيه

العيد الصغير مش بستمتع بيه خااااااااااالص

عشان رحمه حبيبه قلبي بتكون مسافره فيه

ربنا يحفظها ويصونها

ويارب العيد ده يكون فرحه وبهجه علينا يارررررب

وبشكر كل الناس اللي دعولي

واحب اطمنكم ان الحمد لله الازمة اللي كنت بمر بيها انا واسرتى انتهت الحمد لله
الحمد لله الحمد لله الحمد لله

انا بجد بعشق صلاه العيد وبستمتع لما الاقي المساجد كلها مليانه بالمسلمين

والكل بيهنى بعضه

وأخيرًاا

الله أكبر الله أكبر الله أكبرلا إله الا الله الله أكبر الله أكبر

و لله الحمد الله أكبر كبيرا و الحمد لله كثيرا و سبحان الله بكرة و أصيلا

لا إله الا الله وحدة صدق وعده ونصر عبده و أعز جنده و هزم الاحزاب وحده

لا إله الا الله و لا نعبد الا اياه

مخلصين له الدين و لو كره الكافرون

الله أكبر الله أكبر الله أكبرلا إله الا الله

الله أكبر الله أكبر و لله الحمد.. لا اله الا الله

ادعووولي

البوست ده متلخبط شويا

وبوجه فيه كلااام لناس كتييير

ااولا...أحب اعتذر لكتير اوى من زمايلي ولكتير اشخاص اعتبرهم زى اخواتى

انى مسحتهم من الفيس البوك

نظرا لظروف مش بايدى وقريب تتحل بإذن الله

وياريت يسامحونى انا بجد بمر بوقت صعب .....متزعلوش منى

واحب اقولهم ان مكانتكم عندى زى ماهى ومش موقع هو اللي هيزعلنا من بعض

-------

ثانيا : بطلب من كل اللي يعرفنى ومن كل المدونيين

تتدعووووووولي كتييييييييييييير

انا بمر بوقت صعب جدا قي حياتى

مش انا وبس

الحقيقه هى أزمة كبيره فالبيت عندى

تخصنى وتخص بابا وماما واخويا

مشاكل كتيييير وأزماااات

وللاسف الواحد مش عارف يعمل ايه ولا ايه

الواحد مخنوق وحزين لاقصي درجه

عاوزااااكم تتدعوا كتيييير لينا

مافيش غير ربنا اللي قادر ع كل شيء

ومش قدامنا غير الدعاء والصلاااااة

---------

ثالثا: عاوزة اقول لأخويا

ماما وبابا وانا بنحبك اووووووووى

وخايفين بجد عليك

عاوزينك ترجع زى الاول

وبجد بندعيلك رغم كل شيء

ربنا يهديك ويصلح حالك ويقد ملك كل الخير ياعمرو يا حبيبي

وصدقنا مش هتلاقي حد خايف عليك وعاوز مصلحتك وواقف جنبك غيرنا غير اهلك

ربنا يكرمك

---

دعواااتكم بالله عليكم

متنسونااااش بجد

رمضان كريم عليكم

كل سنــــــــــة وانتم طيبــــــين

رمضـــــــــــــــــان كريــــــــــــم

ويارب يكون شهر خير علينا كلنا

ويارب اغفر لنا ذنوبنا وكفر عنا سيئاتنا

وارحمنا برحمتك يارب العالمين

يارب باركلنا في رمضان يارب

ونقدر كلنا نتغير فيه للأحسن

ويكون فرصه جديده للتغيييير

ويارب كلنا نصل رحمنا

واللي زعلان من حد يسامحه

ونبتسم كلنا لبعض

ومننسااااااااش تلاوة القران الكريم وندعى كتير

مش بس لانفسنا ندعى للمرضي ندعى لأهلنا

ندعى لكل المسلمين

اللهم تقبل صيامنا وصلاتنا ودعائنا وتوبتنا يارب العالمين

لحظات حاسمه

لحظات حاسمه

وقرارات مصيريه

ومافيش غير انى اقول

يـــــــــــــــــــارب

اعنى على كل ده

والهمنى الصواب

وقدر لي الخير حيث كااااااان

:'(

انتــــــــــــى مش أمـــــــــها

وهــــــــــي مش بنتــــــــــك

وشكــــرًا......

عارف تحددها؟

كل واحد منا دايما بيفكر ويفكر ف حاجات كتيرة اووى ف حياته

وكل فترة بنعيد ترتيب افكارنا وأولويتنا

اوقات بيتغير ترتيب كل حاجه

واوقات بنلاقي حاجات ثابته ف مكانها

كل ده بيتحدد حسب الظروف اللي بنعيش فيها

بس اهم حاجه فعلا ان كل واحد يبقي عارف ايه هى أولوياته

ويعرف يحددها ويرتبها

عشان يبقي عارف هو ماشي ازاى وناوى يعمل ويحقق ايه ف حياته

عن نفسي حاجات كتير اتغيرت بالنسبالي

وأولويات كتير اتغير ترتيبها عندى

مش هقول انا ندمانه ع حاجات كتير حصلت

بس الظروف والوقت اللي بنعيشه واللي بيحصل حوالينا

بيخلينا نغير حاجات كتير ف تفكيرنا وحياتنا

وده اللي حصل ليا

وزى ما كنت مبسوطه بحياتى وتفكيرى زمان

انا مبسوطه بالتغير اللي انا فيه ده

وبحمد ربنا وبشكر فضله عليا

وحقيقي مش ندمانه ع القرارت اللي اخدتها ف اولوياتى الجديده

حتى لو كان فيها ظلم ليا

انا راضيه وسايبه اجرى ع ربنا

وفالاول والاخر...اللي ربنا عاوزه هيكون

وان شاء الله يكون خيرليا واللي حواليا

Happy Holiday ISA

ازييييييكم؟؟؟

بقالي زمن مكتبتش اى حاجه ولا حتى عملت كومنت عند اى حد

يعنى كنت يدوب اصلا ارجع من الشغل ع شغل البيت والنوم لحد مااصحى واروح الشغل تانى يوم

ونادرا جدا لما كنت بقعد ع الجهاز اصلا

كنا ف فترة امتحانات ومراقبه وتصحيح ورق

وحاجات كتيييييييير وجع دماغ مع دخول الحر كمان

وكمان كنت مشغوله بخطوبه هبه زميلتى فالمدرسه وحبيبتى

الف مبروك ليكى يا هبه وربنا يتمهالك ع خير يا حبيبتى

وعاوزة اقولك ا نك هتوحشينا جدااااااا

وكان نفسنا تكملي معانا فالمدرسه بعد الجواز

وأخيرًااااااااااااااااا

أخدت الاجاززززززززززززة

الحمد لله راحه ما بعدها راحة

أنا واخدها بقالى فترة بس كنت بستجم بقي ف البيت وبرتاح

المهم يارب يا مدونين تكونوا بخير

وان شاء الله انا معاكم من تانى

وقريب هنزل بوستز احكيلكم ع اخبارى ف الفترات اللي فاتت

أسيبكم بقي واروح اكمل نوم شويا

من زرع ...حصد

اللي زرع خير وحب...هيحصده

واللي زرع الشر والكره..هيحصده وهيندم عليه

بس وقتها مش هينفع الندم

وقتها هتتمنوا لو يرجع الزمن والوقت وتصلحوا اخطاءكم

يمكن ده يغير حاجه ف الواقع

بس لا هو نقدر نرجع الزمن ولا نغيرالاحداث اللي فاتت

بس ممكن ممكن نلحق نغير شويا ف اللي جاى

نحاول بجد نفكر ليه زمان كنا كده

ونعرف ان لكل تغير كان ليه اسبابه وظروفه

يمكن زمان كان صعب ..بس النهارده سهل

بلاش نبص ع اللي فات .ونحاول نبنى اللي جاى

----

الكلام ده ليه معانى كتير

وهيمس كذا موضوع ف حياه كل حد فينا

بس انا بقصد بيه حاجه معينه لاشخاص قريبين منى

بوعدهم ان كانوا غلطوا زمان بقصد او من غير

انى ان شاء الله هاكون معاهم وهساعدهم ف ان اخلي اللي جاى احسن واحسن

انا لله وانا اليه راجعون

" مصطفي "

لا حول ولا قوة الا بالله

امبارح توفي انسان من اعز الناس عندى

كنت بعتبره اخويا

شخص طيب اوى مؤمن بقدر ربنا وراضي بحاله

مصطفي شاب سنه صغير عاش كتير من الحزن والألم في حياته

بس كان دايما يقول الحمد لله

كنت تلاقي الضحكه ع وشه

وتحس فيه بأمل بكرة

مش قادرة اوصف انا حاسه بايه من بعد ماعرفت خبر وفاته

لكن اكيد ربنا رحمه من ألم وتعب المرض

ربنا يرحمك يا مصطفي ويغفر لك

اللهم اجعل قبره روضه من رياض الجنه

اللهم هون عليه عذاب القبر

اللهم ادخله فسيح جناتك يارب العالمين